Një vetaksident me fatalitet ka ndodhur sot pasmesnatës në fshatin Treboviq të Pejës, ku për pasoj një person ka humbur jetën e dy të tjerë janë lënduar.

Dy të lënduarit fillimisht ishin dërguar në Spitalin e Pejës mirëpo për shkak të gjendjes së komplikuar të njëjtit janë dërguar në Qendrën Klinike universitare të Kosovës, dhe gjendja e tyre është shumë e rëndë.

Drejtori i Emergjencës, Naser Syla për Arbresh.info theksoi se u janë kryer ekzaminimet e nevojshme dhe të njëjtit kanë politrauma të rënda.

“Të dy janë në Emergjencë në gjendje shumë e rëndë, janë kry ekzaminimet dhe konsultat e nevojshme, kanë politrauma të rënda, trajtimi do të vazhdon në MIQ”, tha Syla.

LEXO EDHE:

Të miturit godasin shtyllën me automjet, njëri vdes dy të tjerë përfundojnë në QKUK – Policia jep detaje

Policia e Kosovës ka dhënë detaje rreth aksidentit, ku sipas tyre vetura me të cilën udhëtonin tre të miturit nuk e ka përshtatur shpejtësinë me kushtet e rrugës me ç’rast shoferi ka humbur kontrollin dhe ka goditur një shtyllë betoni.

“Deri te ky vetaksident dyshohet se ka ardhur, deri sa automjeti ishte duke qarkulluar nё rrugën Pejё-Trestenik, me tё arritur nё fshatin Treboviq-Pejё, duke mos ju përshtatur kushteve tё rrugёs dhe shpejtёsisё, humb kontrollim mbi automjet dhe godet njё shtyllё tё betonit. Si pasojё e kёtij vetaksidenti njё person ka ndёrruar jetё nё vendin e ngjarjёs, vdekjen e sё cilit e ka konstatuar ekipi mjekёsor, ndёsa dy tё lënduarit tjerё janё dёrguar mё autoambulancё nё spitalin rajonal nё Pejё, e mё pas pёr shkak tё natyrёs sёlëndimeve janё dёrguar nё QKUK-Prishtinё, viktima dhe tё lënduarit janё persona tё mitur”, kanë thënë nga Policia e Kosovës./Arbresh.info

Vetaksident fatal në Pejë, një i vdekur e dy të lënduar